İSTİFADƏÇİ RAZILAŞMASI

2.1. Hazırkı İstifadəçi Razılaşması (bundan sonra “Razılaşma” adlandırılacaq) Şirkət ilə İstifadəçi arasında “CİB” ödəmə sisteminin mobil proqramın istifadə edilməsinə dair münasibətləri tənzimləyir.
2.2. İstifadəçi hazırkı Razılaşma ilə tanış olaraq onun bütün şərtlərini qəbul etdiyini, həmin şərtlərə vaxtında və dəqiq əməl edəcəyini bəyan edir.
2.3. İstifadəçi hazırkı Razılaşmanın şərtlərinin qəbul edilməsi ilə bağlı ona qarşı hər-hansı qanuni məhdudiyyətin olmadığını, hazırkı Razılaşmanın şərtlərini öz azad və sərbəst iradə ifadəsi ilə hər-hansı təzyiq olmadan qəbul etdiyini bəyan edir.
2.4. İstifadəçi hazırkı Razılaşmanı qəbul etməklə, öz şəxsi məlumatlarının Şirkət tərəfindən emalına və reklam məqsədi ilə istifadə olunmasına icazə vermiş olur.
2.5. İstifadəçi, elektron qaydada bağlanılan hazırkı Razılaşma və ya istənilən digər sənədlərin mövcud qanunvericiliyə uyğun olaraq “yazılı sövdələşmə” qüvvəsində hesab olunduğunu qəbul edir və gələcəkdə hazırkı Razılaşmanın və ya istənilən digər sənədlərin etibarsızlığını iddia etməyəcəyini bəyan edir.
2.6. İstifadəçi hazırkı Razılaşmanın şərtlərini qəbul etdikdən və qeydiyyat prosedurunu yerinə yetirdikdən sonra Proqramdan istifadə etmə hüququnu əldə edir. Şirkət istənilən vaxt hazırkı Razılaşmaya dəyişikliklər və/və ya əlavələr edə bilər. Bu halda, dəyişdirilmiş İstifadəçi Razılaşması Mobil cihazda yerləşdirilir və proqramdan növbəti istifadədən öncə İstifadəçiyə İstifadəçi Razılaşmasının yeni şərtləri barədə xəbər verilir və yeni şərtlərin qəbul edilməsi xahiş olunur. İstifadəçi Razılaşmanın şərtləri ilə razı olmadıqda Proqramın istifadəsindən imtina edə bilər.
2.7. Hazırkı Razılaşmaya dəyişikliklər və/və ya əlavələr edildikdən sonra İstifadəçi ödəmə sisteminin istifadəsinə davam edərsə, edilmiş dəyişikliklər və/və ya əlavələr qəbul edilmiş hesab olunur.

6.1. Xidmət və funksiyalar
Şirkət aşağıdakılar ilə məhdudlaşdırılmayan, dəyişdirilə bilən xidmət və funksiyaları təqdim edir:
▪ Balansın artırılması;
▪ Ödənişlər;
▪ Pul köçürmələri;
▪ Nağdlaşdırma;
▪ Balansa nəzarət (hesab qalığı, hesabdan çıxarış və s.);
▪ Bonusların toplanılması və hədiyyələrə dəyişdirilməsi
▪ Statistik məlumatlar və sair.

CİBim Cüzdan Balansının artırılması
▪ İstifadəçi tətbiqdə “Balansın artırılması” düyməsini klikləyir.
▪ CİBim-in balansını artırmaq 2 üsulla mümkündür: partnyorlar vasitəsi ilə nağd və nağdsız. Balansı nağd artırmaq üçün CİBin partnyor şəbəkələrinin şöbələrindən, köşklərdən və bankomatlardan, nağdsız artırmaq üçün isə bank kartından istifadə oluna bilər.

Ödənişlər
▪ İstifadəçi mobil tətbiqin daxilində ödəniş edərkən ödəniş mənbəyi olaraq CIBim cüzdanı və ya tətbiqə əlavə etdiyi kartı seçir və ödəmək istədiyi məbləği qeyd edir.
▪ Ödəniş məlumatları düzgündürsə və cüzdan balansında və ya kart balansında kifayət qədər məbləğ varsa ödəniş uğurla yerinə yetirilir.

Pul köçürmələri
İstifadəçi mobil tətbiqin daxilində istənilən karta və ya digər CİB İstifadəçisinin cüzdanına köçürmə edə bilər. Pul köçürmələri dörd yolla mümkündür:
1. Cüzdan hesabından bank kartına;
2. Cüzdandan digər cüzdana
3. Bank kartından digər bank kartına
4. Bank kartından cüzdana
Pul köçürmə etmək üçün İstifadəçi müvafiq seçimi edir, ödəniş ediləcək kartı və ya cüzdanı seçir və məbləği daxil edir. Məlumatlar doğrudursa və balansda kifayət qədər məbləğ varsa, köçürmə uğurla həyata keçir. Nağdlaşdırma
CİBim-in balansında olan vəsaiti nağdlaşdırmağın üç üsulu vardır:
1. Partnyor şəbəkələrin şöbələri və ATM-ləri vasitəsilə;
2. Ölkədaxili istənilən bank kartına göndərərək;
3. Şirkətin ofisində nağd alaraq.

Balansa nəzarət (Çıxarış)
CIBim elektron cüzdanı üzrə istifadəçi hesabata (çıxarış) baxış edə bilər. Bunun üçün İstifadəçi:
CİB mobil tətbiqinə daxil olur;
▪ CİBin daxilində olan Çıxarış hissəsini seçir
▪ Burada seçilmiş dövrün əvvəlinə olan qalıq, dövr ərzində olan mədaxil və məxaric və dövrün sonuna olan qalıq göstərilir. İstifadəçi balans çıxarışını elektron ünvanına göndərə bilər.

Statistika
stifadəçi Statistika bölməsinə daxil olaraq Kart və ya Cüzdan üzrə əməliyyatların statistikası ilə tanış ola bilər. Bunun üçün bölmədəki “Filtr” düyməsinə basır və həmin bölmədən CİBim cüzdanını və ya əlavə etdiyi kartı seçərək seçilmiş dövr və kateqoriyalar üzrə edilən əməliyyatların statistikasına görə bilir.

6.2. Standart Təsdiq
İstifadəçi bu Qaydaları təsdiq etməklə qəbul edir ki, Şirkət İstifadəçi ilə əvvəlcədən razılaşdırmadan istənilən Xidmətə əlavə və dəyişikliklər, eyni zamanda Xidməti ləğv etmək hüququnu özündə saxlayır və bu hallarda İstifadə Qaydaları əlavə olunmuş və ya dəyişdirilmiş Xidmətlərə (və ya onların hər hansı hissəsinə və ya funksiyasına) tətbiq olunmağa davam edəcək. İstifadəçi həmin Xidmətlərdən istifadə etməklə onlarla razı olduğunu təsdiq etmiş olur. Şirkətin artıq baş vermiş və ya baş verəcək əlavələr və dəyişikliklər barəsində İstifadəçiyə hər hansı bildiriş verməsi onun hüququdur.

8.1. Şirkətin hüquq və öhdəlikləri:
8.1.1. Şirkət Proqramı hazırkı Razılaşmada nəzərdə tutulmuş qaydada İstifadəçinin istifadəsinə yüksək keyfiyyət və təhlükəsizlik tələbləri yerinə yetirilməklə təqdim edir, Proqram çərçivəsində İstifadəçiyə birbaşa əməliyyatların aparılmasına imkan yaradır.
8.1.2. Hazırkı Razılaşma çərçivəsində İstifadəçidən gələn sorğu və şikayətləri hazırkı Razılaşmada müəyyən edildiyi qaydada cavablandırır.
8.1.3. Proqramda zərurət tələb olunduqda yenilənmələrin həyata keçirilməsini təmin edir. Proqramın yeni versiyaları üzrə texniki dəstəyin həyata keçirilməsini təmin edir.
8.1.4. Şirkət hazırkı Razılaşmanın şərtlərinin İstifadəçi tərəfindən pozulduğunu aşkar edərsə dərhal İstifadəçiyə Proqram üzrə xidmətlərin göstərilməsindən imtina etmək hüququna malikdir.
8.1.5. Aşağıdakı hallar istisna olmaqla, Şirkət hazırkı Razılaşmanın şərtlərinə əsasən Proqram çərçivəsində İstifadəçi tərəfindən sərancam verildiyi əməliyyatın vaxtında və tam həcmdə tamamlanmasını təmin edir:
▪ İstifadəçinin müvafiq kart hesabında kifayət qədər pul vəsaiti olmadıqda, Təchizatçı İstifadəçinin kartını qəbul etməyi imtina etdikdə, müvafiq əməliyyatı qəbul edən tərəfdə texniki nasazlıqlar baş verdikdə, İstifadəçinin kartı (kart hesabı) bloka salındıqda, mövcud qanunvericiliyə əsasən İstifadəçinin kartı (kart hesabı) üzrə əməliyyatların aparılması qadağan edildikdə, Şirkət əməliyyatın səlahiyyətsiz (icazə verilməmiş) aparılmasını güman etdikdə, fors-major hallarında əməliyyatın tamamlanması mümkün olmadıqda.
▪ Şirkət, daxil olan sorğulara əsasən zərurət yarandıqda İstifadəçinin şəxsi və Cüzdan üzərindən aparılan əməliyyatlar barədə məlumatları Banka və hüquq-mühafizə orqanlarına ötürməyi öhdəsinə götürür;
▪ İstifadəçini qeydiyyat prosedurundan keçmədiyi və ya müvafiq qaydada keçmədiyi təqdirdə qeydiyyata almaqdan imtina etmək;
8.1.6. Aşağıdakı hallarda əməliyyatların həyata keçirilməsindən imtina etmək:
▪ yalnız eyniləşdirilmiş İstifadəçi üçün nəzərdə tutulmuş Əməliyyatların eyniləşdirilməmiş İstifadəçi üçün icrası;
▪ Balansda pul qalığının əməliyyatın aparılması və Şirkətin Tariflərlə nəzərdə tutulan xidmət haqqının ödənilməsi üçün kifayət qədər vəsait olmadığı təqdirdə;
▪ ödəniş və / və ya digər rekvizitlərin istifadəçi tərəfindən səhv göstərilməsi zamanı;
▪ əməliyyatın həyata keçirilməsi üçün Şirkətə lazım olan sənəd dəstinin (rekvizitlərin) İstifadəçi tərəfindən təqdim edilmədiyi və ya yarımçıq təqdim edildiyi təqdirdə;
▪ cinayət yolu ilə əldə edilmiş pul vəsaitlərinin və ya digər əmlakın leqallaşdırılmasına və terrorçuluğun maliyyələşdirilməsinə qarşı mübarizə haqqında qanunvericiliklə nəzərdə tutulan məlumatların qeydə alınması üçün lazım olan sənədlər dəstinin (rekvizitlərin) İstifadəçi tərəfindən təqdim edilmədiyi və ya yarımçıq təqdim edildiyi təqdirdə;
▪ əməliyyatın Azərbaycan Respublikasının qanunvericiliyi və hazırkı Qaydalar ilə ziddiyyət təşkil etdiyi təqdirdə;
▪ hazırkı Qaydalar, Şirkətin daxili sənədləri və Azərbaycan Respublikasının qanunvericiliyində nəzərdə tutulan digər hallarda.
8.1.7. Bu Qaydalar və / və ya Azərbaycan Respublikasının qanunvericiliyi ilə nəzərdə tutulan hallarda, eləcə də Şirkətin mülahizəsinə görə CİB və CİBim cüzdanda həyata keçirilən bütün əməliyyatların və ya onların bir hissəsinin bloklanması zərurəti yarandığı təqdirdə, CİBim və ya istifadəçinin CİB hesabı şirkət tərəfindən bloklana bilər. CİBim və CİB hesabinın bloklanması onun bloklanmasının səbəbləri aradan qaldırılana qədər davam edir.
8.1.8. Pul vəsaitləri ilə əməliyyatlar haqqında, eləcə də CİBim-də pul vəsaitlərinin yaranması mənbəyini, əməliyyatların həyata keçirilməsinin əsasını təsdiq edən əlavə məlumatları və sənədləri, həmçinin mənfəət əldə edəni (benefisiarı) müəyyən etməyə imkan verən məlumatlar və sənədləri Azərbaycan Respublikasının qanunvericiliyinə müvafiq olaraq İstifadəçidən tələb etmək;
8.1.9. Şirkətin məlumatlar bazasında nasazlıq yarandığı təqdirdə əməliyyatlar üzrə qeydlərə düzəlişləri daxil etmək, eləcə də İstifadəçi tərəfindən həyata keçirilmiş əməliyyatlar haqqında məlumatların bərpa edilməsi üçün bütün zəruri hərəkətləri etmək;
8.1.10. CİBdən istifadə etməklə əməliyyatların həyata keçirilməsi üçün birtərəfli qaydada məhdudiyyətləri (limitləri) müəyyən etmək və dəyişdirmək (artırmaq, azaltmaq). Bu cür dəyişikliklər haqqında məlumatlar CIBin veb səhifəsində və ya Mobil tətbiqində yerləşdirilir. Dəyişikliklər yerləşdirildiyi andan etibarən qüvvəyə minir;
8.1.11. Bu Qaydalar çərçivəsində Tərəflərin qarşılıqlı fəaliyyəti zamanı istifadə edilən interfeyslərin və proqram təminatının modifikasiyasını həyata keçirmək;
8.1.12. Əhəmiyyətli nasazlıqların, səhvlərin, qüsurların aşkar edilməsi zamanı, eləcə də profilaktik tədbirlərin görülməsi və icazə verilməmiş giriş hallarının qarşısının alınması məqsədi ilə bu Qaydalar çərçivəsində Tərəflərin qarşılıqlı texniki fəaliyyətini təmin edən proqram və / və ya aparat vasitələrinin işini dayandırmaq;
8.1.13. CİBə icazə verilmiş avtomatik girişi istənilən an qadağan etmək, eləcə də avtomatik şəkildə formalaşdırılmış istənilən məlumatların qəbulunu dayandırmaq;
8.1.14. Cüzdanı istifadə edən və həddi-buluğa çatmamış İstifadəçidən – fiziki şəxsdən Şirkət tərəfindən təqdim edilmiş cüzdandan istifadə edilməsi və vəsaitlərin İstifadəçi tərəfindən köçürülməsinin həyata keçirilməsi üçün müəyyən edilmiş forma üzrə özünün qanuni təmsilçisinin yazılı razılığının təqdim edilməsini tələb etmək. Bu cür yazılı razılıq İstifadəçinin qanuni təmsilçisi tərəfindən şəxsiyyət vəsiqəsinin və həmin İstifadəçiyə münasibətdə qanuni təmsilçi statusunu təsdiq edən sənədin əslinin təqdim edilməsi ilə Şirkətin ofisində şəxsən təqdim edilməlidir;
8.1.15. Bu Qaydaların şərtlərinin yerinə yetirilməsi və əməliyyatların təhlükəsizliyinin təmin edilməsi məqsədi ilə, eləcə də CİBə giriş üçün İstifadəçi tərəfindən istifadə edilən proqram-aparat vasitələrinin konfiqurasiyası və səciyyəvi xüsusiyyətləri haqqında məlumatların üçüncü şəxslərə ötürülməsi zərurəti yaranan zaman, o cümlədən İstifadəçinin proqram-aparat vasitələri ilə qarşılıqlı fəaliyyət prosesində Şirkət tərəfindən avtomatik şəkildə ötürülən istənilən digər məlumatların istənilən üsulla toplanması, saxlanması, emal edilməsini həyata keçirmək;
8.1.16. İstifadəçi tərəfindən şəxsən və ya üçüncü şəxslər tərəfindən təqdim edilən İstifadəçinin istənilən fərdi məlumatlarını xidmətlərin göstərilməsi məqsədi ilə istənilən üsulla emal etmək;
8.1.17. Əməliyyatın həyata keçirilməsindən sonra 10 (on) təqvim günü keçdikdə İstifadəçi tərəfindən irəli sürülən əməliyyat üzrə pretenziyaların baxılmasını qəbul etməmək;
8.1.18. İstifadəçinin Sərəncamı olmadan öz mülahizəsinə uyğun olaraq CİBim üzrə müvafiq əməliyyatlara dair dəyişikliklərin həyata keçirilməsi.
8.1.19. Bu Qaydalara dəyişikliklərin daxil edilməsi (Tariflər və/və ya əlavə xidmətlərin təqdim edilməsi şərtləri də daxil olmaqla) haqqında bildirişi Şirkətin mülahizəsinə əsasən hər hansı üsulla İstifadəçiyə göndərilməsi yolu ilə bu barədə İstifadəçinin xəbərdar edilməsi;
8.1.20. İstifadəçinin CİB və onun vasitəsilə aparılan əməliyyatlar haqqında məlumatlara digər şəxslərin icazə verilməmiş girişinin qarşısını almaq;
8.1.21. Səlahiyyətli orqanın təqdim etdiyi sənədlər əsasında həmin orqanın tələblərinin yerinə yetirilməsi anına qədər İstifadəçinin CİB və ya cüzdan hesabını bloklamaq;
8.1.22. Həbsin qoyulması haqqında səlahiyyətli orqanların lazımi qaydada tərtib edilmiş sənədlərini alan zaman bu cür sənəddə göstərilən məbləğin həcmində pul vəsaitlərinin qalığına, pul vəsaitlərinin məbləği göstərilmədikdə isə pul vəsaitlərinin bütün qalığını dondurmaq;
8.1.23. CİBim-dən istifadə etməklə həyata keçirilən əməliyyatların və İstifadəçi haqqında məlumatların gizliliyinin qorunması üzrə bütün mümkün tədbirləri görmək.
8.2. İstifadəçinin hüquq və öhdəlikləri:
İstifadəçi:
8.2.1. Hazırkı Razılaşmanın şərtlərinə tələb olunan qaydada riayət etməli, Proqramdan hazırkı Razılaşmanın şərtləri çərçivəsində yalnız təklif olunan xidmətlərin icrası üçün istifadə etməli, Proqram çərçivəsində həyata keçirilmiş hər hansı əməliyyat ilə bağlı sualı və ya iddiası olduqda 14 (on dörd) təqvim günü müddətində Şirkətə bildirməlidir (qeyd olunan müddətdən sonra bildirilən sual və iddialara baxılmır).
8.2.2. Proqram İstifadəçinin şəxsi istifadəsi üçün təqdim olunur və İstifadəçi tərəfindən kommersiya məqsədləri üçün istifadə oluna bilməz. İstifadəçi Proqramdan qanunsuz, fırıldaq, dələduzluq və ya digər bədniyyətli məqsədlərlə istifadə etməməlidir. İstifadəçi Proqram yazılmış Mobil cihazının qorunmasını təmin edir və üçüncü şəxslərin müdaxiləsi ilə bağlı məsələlərə birbaşa cavabdehlik daşıyır. İstifadəçi Proqrama daxil olması üçün istifadə olunan PİN-kodun üçüncü şəxslər tərəfindən aşkar edilməsi şübhəsi yarandıqda dərhal PİN-kodu yenisi ilə əvəz etməlidir.
8.2.3. Proqram çərçivəsində Şirkət tərəfindən İstifadəçiyə hər cür SMS bildirişin göndərilməsinə və İstifadəçinin məlumatlarının elektron poçt ünvanına göndərilməsinə öz razılığını bildirir. Şəxsi məlumatların saxlanması Azərbaycan Respublikasının mövcud qanunvericiliyinə əsasən aparılır.
8.2.4. İstədiyi vaxt Proqrama əlavə etdiyi kartların siyahısını dəyişdirmək (əlavə etmək və silmək) və Proqramın istifadə edilməsindən imtina etmək hüququna malikdir.
8.2.5. CİBim-dən istifadə edilməklə həyata keçirilən əməliyyatlar haqqında bildirişlər, məlumatlar, çıxarışlar almaq;
8.2.6. Qanunvericilik çərçivəsində Şirkətə müraciətlər və iddialar təqdim etmək və digər ərizələri göndərmək;
8.2.7. Mübahisəli əməliyyat üzrə iddialı əməliyyatın həyata keçirilməsi günündən etibarən 10 (on) iş günü ərzində Şirkətə göndərmək. Bu zaman iddia Şirkət tərəfindən müəyyən edilmiş formaya müvafiq olaraq, yazılı şəkildə tərtib edilməlidir.
8.2.8.İstifadəçinin Şirkət qarşısında borcunun olmadığı təqdirdə xidmətlərin alınmasından imtina etmək;
8.2.9. Bu Qaydalara riayət etmək, Şirkətin tələblərini lazımi şəkildə yerinə yetirmək;
8.2.10. Şirkətə doğru və həqiqəti əks etdirən eyniləşdirmə məlumatlarını təqdim etmək;
8.2.11. Avtorizasiya edilmiş məlumatların saxlanması üzrə tədbirlər görmək, üçüncü şəxslərə digər şəkildə ötürməmək və bu məlumatları digər şəxslər tərəfindən əldə edilməsi mümkün yerlərə yerləşdirməmək;
8.2.12. Qeyri-qanuni sahibkarlıq fəaliyyətinin həyata keçirilməsi və ya digər qanuna zidd hərəkətlər,
8.2.13. Fərdi məlumatlarda, rekvizitlərdə və Eyniləşdirmə üçün təqdim edilən sənədlərdəki ictimai təhlükəsizlik və əxlaq normalarının pozulmasına yönələn tədbirlərin dəstəklənməsi ilə bağlı əməliyyatlar aparmamaq;
8.2.14. Şirkətə doğru və aktual (hazırki zaman mövcud olan) məlumatlar təqdim etmək;məlumatlarda, bildirişlərin göndərilməsi üçün məlumatlarda dəyişikliklərin edildiyi təqdirdə Şirkətə vaxtında xəbər vermək;
8.2.15. Şirkət tərəfindən tələb olunan məlumatları və sənədləri ona təqdim etmək;
8.2.16. İstifadəçi öz tərəfindən və ya üçüncü şəxslər tərəfindən təqdim edilən İstifadəçinin istənilən fərdi məlumatlarının xidmətlərin göstərilməsi məqsədi ilə Şirkət tərəfindən istənilən üsulla emal edilməsi üçün öz razılığını verir. Qeyd edilən razılıq xidmətlərdən istifadə edilməsi zamanı həmin müddət ərzində qüvvədədir;
8.2.17. İstifadəçi Şirkətə üçüncü şəxslərin fərdi məlumatlarını təqdim edərsə, İstifadəçi onların qanuniliyinə və bu fərdi məlumatların subyektlərinin bu məlumatların təqdim edilməsi üçün razılığının olmasına təminat verir, eləcə də qeyd edilən məlumatların qanuniliyi və həqiqiliyi üçün məsuliyyəti öz üzərinə götürür; 8.2.18. Bu Qaydalar və Qanunvericiliklə nəzərdə tutulan digər öhdəlikləri yerinə yetirir.

10.1. Hazırkı Razılaşmadakı öhdəliklərin yerinə yetirilməsi ilə əlaqədar olaraq CİB və CİBim Xidmətlərinə daxil olma və ya onlardan istifadə etmə və ya bu İstifadə Qaydaları ilə bağlı hər hansı mübahisələr yarandıqda, Tərəflər belə mübahisələri danışıqlar yolu ilə həll olunması üçün əlindən gələni etməlidir. Tərəflər arasında mübahisələr yaranarsa, belə hallar hazırkı Razılaşmanın şərtlərinə əsasən danışıqlar yolu ilə həll ediləcəkdir. Tərəflər arasında yaranan mübahisələr danışıqlar yolu ilə həll edilə bilmədikdə, mübahisələrə qüvvədə olan Azərbaycan Respublikası qanunvericiliyinə uyğun olaraq məhkəmələr vasitəsi ilə baxılacaqdır.
10.2. İstifadəçinin hazırkı Razılaşma çərçivəsində nəzərdə tutulmuş halları əhatə edən iddiaları aşağıda qeyd olunan məlumatlar əks olunmaqla elektron formada göndərildiyi halda Şirkət tərəfindən cavablandırılır:
10.2.1. haqqında iddia bildirilən vəziyyətin yarandığı tarix və gün,
10.2.2. iddia bildirilən vəziyyətin baş verdiyi şərait,
10.2.3. İstifadəçinin tələblərinin məzmunu, həmçinin İstifadəçi ilə əlaqə yaratmaq üçün mobil telefon nömrəsi və elektron poçt ünvanı.
10.3. Şirkət İstifadəçinin iddialarına onların alındığı gündən 10 (on) iş günü ərzində baxacaq və əsaslandırılmış cavabı İstifadəçinin iddiasında göstərilmiş rekvizitlərə göndərəcəkdir.
10.4. Danışıqlar başlayan andan etibarən Tərəflər mübahisələri 30 (otuz) gün ərzində həll etməzsə, istənilən Tərəf belə mübahisələrlə bağlı müstəsna yurisdiksiyaya malik olan Azərbaycan Respublikasının məhkəmələrinə müraciət edə bilər.
10.5. Hazırkı Razılaşma ilə tənzimlənməyən məsələlər Azərbaycan Respublikasının qanunvericiliyinə uyğun olaraq həll olunacaqdır.

İstifadəçi aşağıdakılara yol verməyəcək:
- İstifadəçi özü haqqında heç bir yanlış, qeyri-dəqiq və ya natamam məlumat təqdim etməyəcək;
- Xidmətlərə qeyri-qanuni, dələduzluq, bədniyyətli, zərərverici və ya iftiralı məqsədlərlə daxil olmayacaq və ya onlardan istifadə etməyəcək;
- Xidmətlərin qorunub saxlanmasına, toxunmazlığına, effektivliyinə, xoş niyyətliliyinə xələl gətirə biləcək əməllər və ya tədbirlər görməyəcək (qeyri-qanuni, dələduz, bədniyyətli, zərərverici və ya iftiralı və ya hər hansı digər şəxsə xələl gətirə biləcək və ya gətirən əməllər daxil olmaqla).
- İstifadəçi tərəfindən iki və ya daha çox profillərin (şəxsi səhifə) açılması qadağan edilir. İlkin profilə çıxışın məhdud olması səbəbindən əlavə profil açan İstifadəçi Şirkətə onun bağlanılması xahişi ilə və ya Şifrənin xatırlanması opsiyası vasitəsi ilə girişin bərpa olunması xahişi ilə müraciət etməlidir. Əlavə (saxta) profillərin açılması ilə bağlı bütün digər hallarda bu profillər Şirkət tərəfindən bloklaşdırılacaq, İstifadəçinin topladığı bonus xalları isə tam olaraq silinəcək. İstifadəçi saxta profilindən istifadə etməklə hər hansı hədiyyə (mükafat) qazanarsa, Şirkət həmin hədiyyəni istifadəçiyə təqdim etməmək hüququna malikdir.
- CİB və CİBim xidmətlərindən istifadə zamanı üçüncü şəxslərin qanuni maraq və hüquqlarının pozulmasına yol verməyəcək və belə fəaliyyəti üçün üçüncü şəxslər qarşısında bir başa məsuliyyət daşıyır.
- Özünü başqa şəxs kimi (kifayət qədər hüququ olmayan nümayəndə və ya təşkilat kimi), həmçinin Şirkət əməkdaşı, vebsayt sahibi, Şirkət partnyorlarının əməkdaşı kimi təqdim etməyəcək;
- Digər şəxslərin şəxsi məlumatlarını icazəsiz və qanunsuz toplamayacaq, saxlamayacaq və onlardan heç bir halda istifadə etməyəcək;
- Azərbaycan Respublikası Qanunvericiliyin, habelə Beynəlxalq Hüquq normalarının tələblərini pozmayacaq;